ამერიკელმა სენატორმა ჯონ მაკკეინმა, "ამერიკის ხმასთან"ინტერვიუში, რუსთავი 2-ის საქმეზე ისაუბრა. სენატორის თქმით, რუსთავი 2-თან დაკავშირებული პროცესები ხელისუფლების მხრიდან, ოპოზიციის ხმის ჩახშობის მცდელობას ჰგავს.
"ღრმად ვარ შეშფოთებული იმით, რომ საქართველოს უზენაესი სასამართლოს გადაწყვეტილება რუსთავი 2-თან დაკავშირებით ჰგავს პრესაში ოპოზიციის ხმების ჩახშობის მცდელობას და ქვეყანაში მოქნილი, პლურალისტური და ღია მედიის არსებობის შეზღუდვას",- აღნიშნა ჯონ მაკკეინმა.
მაკკეინის თქმით, ქვეყანაში დემოკრატიის განვითარებისთვის თავისუფალი მედიის მნიშვნელობა ერთ-ერთი უმთავრესია ფაქტორია.
"როგორც წარსულშიც მითქვამს, ღრმად მწამს იმის, რომ თავისუფალი და ღია პრესა დემოკრატიის განვითარების ერთ-ერთი უმთავრესი საყრდენია და უმნიშვნელოვანესია იმისთვის, რომ ნებისმიერმა დემოკრატიამ წარმატებას მიაღწიოს",- ამბობს ამერიკელი სენატორი.
ჯონ მაკკეინი მოუწოდებს საქართველოს ხელისუფლებას, რომ ქვეყანაში შეინარჩუნოს პლურალისტული მედია.
"კეთილგანწყობით მოვუწოდებ საქართველოს მთავრობას, შეინარჩუნოს პლურალისტური მედია გარემო იმისთვის, რომ საქართველოში ყველას ხმის გაგონება იყოს შესაძლებელი", - ნათქვამია სენატორის წერილობით კომენტარში.