2018 წლის არჩევნებზე მოსახლეობის აქტივობა 46.74% იყო. დღევანდელ არჩევნებში მონაწილეობა სულ 1 637 956-მა ამომრჩეველმა მიიღო. 20:00 საათის მონაცემები ცესკომ რამდენიმე წუთის წინ გაავრცელა. ყველაზე მაღალი აქტივობა იყო ქედაში (64.74%), ხოლო ყველაზე დაბალი - მარნეულში (36.47%). რაც შეეხება თბილისს, ამომრჩევლის აქტივობამ 45.4% შეადგინა.
როგორი იყო ამომრჩევლის აქტივობა წინა წლებში
2013 წელი 46.6% - 1 648 662 ადამიანი;
2014 წელი 43.31% - 1 485 372 ადამიანი;
2016 წელი 51.63% - 1 814 276 ადამიანი;
2017 წელი 45.65% - 1 570 563 ადამიანი;
ამომრჩეველთა საერთო რაოდენობა 3 518 877 იყო. მათ შორის, საზღვარგარეთ არჩევნებისთვის რეგისტრირებული პირები, აქედან, 14 795 საქართველოს კანონმდებლობის შესაბამისად საზღვარგარეთ მისამართზე რეგისტრირებული მოქალაქე.
მთელი ქვეყნის მასშტაბით ყველა საარჩევნო უბანი 20:00-ზე დაიხურა.