2018 წლიდან ბაზარზე საქართველოში დამზადებული ლუდი Heineken გამოჩნდება, ამის შესახებ საქართველოს ბანკის მფლობელ საინვესტიციო ჯგუფ BGEO-ს კვარტალურ მიმოხილვაშიწერია. კომპანია ლუდის ექსპორტს მთელ კავკასიის რეგიონში მოახდენს.
BGEO-ს ჰოლდინგში შემავალმა კომპანია "თელიანი ველმა"წელს უკვე შეაბიჯა ლუდის ბაზარზე და ლუდ Icy-ის მეშვეობით ბაზრის 16%-ის მოპოვებაც შეძლო.
მომავალი წლისთვის კი კომპანია ექსკლუზიური 10-წლიანი ლიცენზიის მეშვეობით საქართველოსა და მთლიანად კავკასიის რეგიონისთვის Heineken-ის ბრენდის ლუდების ჩამოსხმას გეგმავს.
"თელიანი ველი"ღვინის და ლუდის ბაზართან ერთად არაალკოჰოლური სასმელების ბაზარზეც მუშაობს. კომპანია Lavazza-ს ყავის ბრენდების ექსკლუზიური იმპორტიორი და დისტრიბუტორია.
BGEO-ს ანგარიშის მიხედვით, "თელიანი ველი"მომავალში არაალკოჰოლური სასმელების ბაზარზე კიდევ სხვა ნაბიჯების გადადგმასაც გეგმავს.